Публічная справаздача аб рабоце ўстановы дашкольнай адукацыі за 2021/2022 навучальны год

Публічная справаздача за 2021/2022 навучальны год

1

 

Публічная справаздача за 2021/2022 навучальны год

     Дзяржаўная ўстанова адукацыі “Даматканавіцкі дзіцячы сад Клецкага раёна” пачала сваю работу 15 верасня 1985 года. Установа  разлічана на 65 месц. Рэжым работы 10,5 гадзін. У  2021/2022 навучальным  годзе функцыянавала адна рознаўзроставая група, якую наведвала 17 выхаванцаў ( 2020/2021 навучальны год  – 15 выхаванцаў).

      З мэтай узбагачэння спектру адукацыйных паслуг  для дзяцей, не наведваючых дзіцячы сад, функцыянавала на бясплатнай аснове прагулачная група, якую наведвала чацвёра дзяцей і сезонная пляцоўка, якую наведвала чацвёра дзяцей. Двое дзяцей з прагулачнай групы з сакавіка наведваюць ўстанову на пастаяннай аснове. Наведванне прагулачнай групы садзейнічала набыццю сацыяльнага вопыту ўзаемаадносін з іншымі дзецьмі, што аблегчыла адаптацыйны перыяд з прыходам ва ўстанову дашкольнай адукацыі.

       Педагагічны калектыў складаецца з 3 педагогаў: загадчык, выхавальнік дашкольнай адукацыі, кіраўнік фізічнага выхавання (па сумяшчальніцтву). Згодна штатнаму раскладу ўстанова дашкольнай адукацыі ўкамплектавана 100%.  Вышэйшую адукацыю маюць 66,6% педагогаў (выхавальнік дашкольнай адукацыі, загадчык), 33,4% сярэднюю спецыяльную (кіраўнік фізічнага выхавання)

      З мэтай павышэння адукацыйнага ўзроўню ў 2021/2022 навучальным годзе загадчык Пальчык А.А. прайшла  курсы з 01.11.2021 па 05.11.2021 года, якія спрыялі паглыбленню ведаў аб кіраванні ўстановай дашкольнай адукацыі ў сучасных умовах.

      Па выніках медыцынскага агляду выхаванцаў вызначаны групы здароўя.

Навучальны год

Група здароўя

I

II

III

2020/2021

2 (13,34)

13 (86,66%)

0

2021/2022

2 (11,77)

15 (88,23%)

0

     У параўнанні з мінулым годам групы здароўя не змяніліся.  Ва ўсіх выхаванцаў асноўная група па фізкультуры. На працягу трох гадоў ва ўстанове дашкольнай адукацыі адсутнічаюць дзеці з 3-й і 4-й групай здароўя, падрыхтоўчай групай па фізкультуры. 

            Усяго выпадкаў захворвання  за 2021/2022 навучальны год  1  (2020/2021 ) - 2. Колькасць дзён, прапушчаных адным дзіцем па хваробе, складае 0,5 дня ( 2020/2021 навучальны год таксама 0,8% дня). Раённы паказчык – 1,7 дня .

 

2

 

      Пытанням аховы і ўмацавання здароўя выхаванцаў надаецца асаблівая ўвага. Створаны спрыяльныя ўмовы для жыццядзейнасці выхаванцаў, выконваецца рэжым дня, забяспечваецца клапатлівы догляд за кожным дзіцем. На працягу навучальнага года надавалася вялікая ўвага загартоўваючым мерапрыемствам. У сістэме загартоўвання выкарыстоўваліся аздараўленчыя мерапрыемствы пры захаванні прынцыпаў паступовасці, сістэматычнасці, даступнасці. Загартоўванне праводзілася выхавальнікамі дашкольнай адукацыі. Розныя віды загартоўваючых мерапрыемстваў: хадзьба па “сцежцы здароўя”, паласканне поласці рота пасля кожнага прыёму ежы вадой пакаёвай тэмпературы, дыхальная гімнастыка, прагулка, чыстка зубоў, што садзейнічае змяншэнню прастуднымі захворваннямі выхаванцаў.

   Адным з складаемых здаровага ладу жыцця з’яўляецца рацыянальнае харчаванне, арганізацыя якога ў дашкольнай установе адбываецца ў адпаведнасці з нарматыўнымі дакументамі, на падставе прыкладных рацыёнаў харчавання дзяцей дашкольнага ўзросту з працягласцю прыбывання 10,5 гадзін на зімова-вясновы і летне-асенні перыяды, арганізаваны электронны варыянт напісання меню. Адпушчаныя грашовыя сродкі выкарыстоўваліся ў поўным аб’ёме. Аналіз стану арганізацыі харчавання ў дашкольнай установе паказвае, што сярэдні працэнт выканання натуральных нормаў за 2021 год складае 97 % (2020 – 96,1%), раённы паказчык –96 %.

    Выкананню норм у межах 100% перашкодзіў недахоп некаторых прадуктаў харчавання –  чай ( 89,1%), лімонная кіслата (86,7%), тамат-пюрэ (0%). Неабходна звярнуць увагу на ўнясенне карэкціроўкі пры напісанні меню.

   Педагагічны калектыў у навучальным годзе працаваў над  фарміраваннем у выхаванцаў элементарных матэматычных уяўленняў праз спецыяльна аргагізаваную і нерэгламентаваную дзейнасць.

   Педагагічны савет “Стан работы па фарміраванню ў выхаванцаў элементарных матэматычных уяўленняў праз спецыяльна арганізаваную і нерэгламентаваную дзейнасць” садзейнічаў развіццю матэматычных навыкаў у выхаванцаў. Выхаванцы з жаданнем займаюцца матэматыкай: ажыццяўляюць розныя дзеянні з плоскімі і аб’ёмнымі геаметрычнымі фігурамі, вызначаюць формы прадметаў, вызначаюць становішча выяў на лісце паперы, вучацца колькаснаму і парадкаваму лічэнню.

       Аднак выхаванцы з цяжкасцю вызначаюць часавую паслядоўнасць змены сутак. У Ані М., Максіма Б. не сфармірована ўяўленне пра дні тыдня іх паслядоўнасць, месяцы года іх паслядоўнасць.

3

      У рамках рэалізацыі гадавой задачы праведзены кансультацыі: “Развіццё элементарных матэматычных уяўленняў у выхаванцаў”, “Матэматыка для дашкалят”, адкрыты прагляд, педагагічны савет, што  садзейнічала павышэнню ўзроўню  ведаў педагога  ў выкарыстанні сродкаў і  метадаў работы з выхаванцамі па элементарным матэматычным уяўленням.

     У рамках рэалізацыі гадавога плана эфектыўнымі былі сумесныя выставы з бацькамі: “Цуды прыроды” ,“Навагодняя цацка нашай сям’і”. Парадавалі дзяцей святы: “Сюрпрызы Дзеда Мароза”, “8 сакавіка – свята мам”, “Дзіцячы сад, нам цябе не забыць”. Былі створаны камфортныя ўмовы для дзяцей.

    Педагогамі выконваюцца асноўныя патрабаванні да арганізацыі адукацыйнага працэсу, забяспечваецца кампетэнтны падыход, ахова здароўя выхаванцаў, захоўваюцца санітарныя патрабаванні да абсталявання памяшканняў, распарадку дня. Асноўнымі формамі адукацыйнага працэсу з’яўляюцца гульня і заняткі. Планаванне адукацыйнага працэсу будуецца на аснове вучэбна-праграмнай дакументацыі адукацыйнай праграмы дашкольнай адукацыі.      Забеспячэнню якасці адукацыйнага працэсу садзейнічае прымяненне сучасных педагагічных тэхналогій. Дзейнасць педагогаў арыентавана на выкарыстанне адукацыйных тэхналогій беларускіх аўтараў. Працэнт забяспечанасці праграмна-метадычнымі і вучэбнымі дапаможнікамі складае 98,4%   (2020 год  - 94,6%), раённы паказчык – 94,9 .

   Аналіз выканання патрабаванняў вучэбнай праграмы дашкольнай адукацыі паказаў, па выніках псіхалагічнай гатоўнасці выхаванцаў да школьнага навучання 50 % выхаванцаў маюць высокі ўзровень інтэлектуальнай гатоўнасці, 50% выхаванцаў маюць высокі ўзровень сацыяльнага развіцця, 50% сярэдні ўзровень. На сярэднім узроўні развіты прадпасылкі да вучэбнай дзейнасці ў 50 % выхаванцаў, у 50% на нізкім ўзроўні. Педагогі паспяхова ўзаемадзейнічалі з бацькамі будучых першакласнікаў: праводзілі бацькоўскі сход аб гатоўнасці дзяцей да школы, індывідуальныя вусныя кансультацыі, афармлялі кансультацыі на стэндзе “Хутка ў школу”.

     У адпаведнасці  з тыпавым пералікам працэнт забяспячэння развіваючага асяроддзя групы складае 92,8%, (2020/2021 навучальны год 91,8%), раённы паказчык – 92,8. У навучальным годзе набыты ў рознаўзроставую групу  спецыяльны транспарт, развіваючыя гульні.

     Кожны год ва ўстанове захоўваецца праблема агульнага недаразвіцця мовы выхаванцаў. У 2021/2022 навучальным годзе на пункт карэкцыйна-педагагічнай дапамогі ДУА “Даматканавіцкая сярэдняя школа Клецкага раёна” быў залічаны 1 выхаванец дашкольнага ўзросту (2020/2021 навучальны год – 2 выхаванцы). У сувязі з тым, што заняткі з выхаванцам праводзіліся толькі да студзеня, работа  будзе прадоўжана ў наступным годзе.

      У дашкольнай установе адукацыі, апіраючыся на запыты ( па выніках анкетавання)  законных прадстаўнікоў, на працягу навучальнага года функцыянавалі два гурткі (2020/2021 навучальным годзе – 2).

       Гурткі функцыянавалі на платнай аснове.

       Работа дадатковых адукацыйных паслуг будавалася з улікам патрабаванняў вучэбнай праграмы дашкольнай адукацыі, стану здароўя дзяцей, індывідуальнага і асабістага развіцця выхаванцаў.

      Навыкі і ўменні выхаванцы харэаграфічнага гуртка дэманстравалі на навагоднім ранішніку, на свяце мам, на свяце “Дзіцячы сад, нам цябе не забыць”. Навыкі інтэлектуальнага гуртка дэманстраваліся на бацькоўскім сходзе.

      Працэнт ахопу дзяцей дадатковымі паслугамі ў 2021/2022 навучальным годзе – 100% (2020/2021 навучальны год – 100%).

   Якасць адукацыі забяспечваецца ў цесным супрацоўніцтве з сям’ёй. Работа з сям’ёй праводзіцца  мэтанакіравана, планамерна, сістэматычна і дае вынікі, якія садзейнічаюць павышэнню педагагічнай культуры  бацькоў і ўстанаўленню адзінства ў выхаванні і навучанні. Выхавальнік Майсейчык Л.А.,  дапамагае бацькам зразумець, як патрэбна прымяняць тэарэтычныя і практычныя рэкамендацыі.

       У рамках пераемнасці ўстановы дашкольнай адукацыі і I ступені агульнай сярэдняй адукацыі быў праведзены бацькоўскі сход з удзелам адміністрацыі школы і настаўніка пачатковых класаў, экскурсіі ў школьны музей, спартыўную залу, кабінет інфарматыкі,  што спрыяла фарміраванню адзіных падыходаў у арганізацыі адукацыйнага працэсу.

Вынікі правядзення анкетавання “Дзіцячы сад вачамі бацькоў” сведчыць аб станоўчай ацэнцы работы калектыва за 2021/2022 навучальны год. 100% законных прадстаўнікоў задаволены работай установы дашкольнай адукацыі.

         Пэўная сістэма склалася ў рабоце з сем’ямі выхаванцаў, якія знаходзяцца ў сацыяльна небяспечным становішчы. На працягу навучальнага года выяўлена 1 сям’я  (2020/2021 навучальны год – 1). Згодна складзенага плана абароны правоў і законных інтарэсаў непаўналетніх праводзяцца з сям’ёй прафілактычныя мерапрыемствы.  

       Летнім  аздараўленнем  было  ахоплена  на  пачатак летняга  перыяду – 13 выхаванцаў. Асноўную частку  часу дзеці праводзілі  на  свежым паветры.   Для выканання водных загартоўваючых працэдур на  працягу дня на  гульнявой пляцоўцы  былі створаны неабходныя ўмовы: абсталяваны рукамойнік, ручнікі для правядзення  гігіенічных працэдур; вынасны басейн з цацкамі для арганізацыі  гульняў  з вадой. Усе мерапрыемствы  праводзіліся з улікам  стану здароўя  дзяцей.  Арганізацыя рэжымных момантаў прадугледжвала чаргаванне розных відаў дзейнасці, што  дазваляла  выкарыстоўваць  прыродныя загартоўваючыя  сілы паветра, сонца і  вады ў поўнай меры. Перад і пасля прыему  ежы выхавальнікамі дашкольнай адукацыі праводзіліся  загартоўваючыя  працэдуры – мыццё рук да лакцей і  твару, паласканне  поласці рота пасля кожнага прыёму ежы.  Усе  дзеці  ведалі, з якой мэтай неабходна  захоўваць  асабістую гігіену, з задавальненнем  выконвалі гігіенічныя працэдуры.

        З мэтай прафілактыкі  плоскаступнёвасці праводзілася ў канцы прагулкі хаджэнне басанож па  “дарожцы здароўя”.

    Праведзеныя гутаракі, гульні па  правілам  дарожнага руху і правілам  бяспекі  жыццядзейнасці (“Наша вуліца”, “Аб правілах дарожнага руху”, “Дзе можна гуляць?”, “Правілы пешаходаў”, “Каля нашай брамы вельмі важны знак жыве”, “Рэгуліроўшчык”, “Мой сябра-светлафор”, “Бяспечныя паводзіны ў прыродзе”, “Кастры”  і іншыя),  выкананне практычных заданняў на  пляцоўцы  па  правілам  дарожнага руху садзейнічалі  фарміраванню ў дзяцей устойлівых уяўленняў  аб правілах дарожнага руху, пажарнай бяспекі, бяспечных паводзінах у быце.

          За 2021/2022 навучальны год папячыцельскім саветам была  аказана дапамога Даматканавіцкаму дзіцячаму саду на суму 380.00 рублёў. За гэтыя сродкі  набыта фарба  для правядзення касметычнага рамонту.

        На сходзе працоўнага калектыву, нарадах пры загадчыку заслухоўваліся пытанні аператыўнага кантролю: па выкананню рэжыму дня, арганізацыі харчавання ў дашкольнай установе, сфарміраванасці культурна-гігіенічных навыкаў у выхаванцаў. Па выніках кантролю аператыўна выпраўляліся прапановы і заўвагі загадчыка.

     Тэматычны кантроль праходзіў па рэалізацыі гадавой задачы які садзейнічаў фарміраванню элементарных матэматычных уяўленняў.  Аднак, выхаванцы сярэдняга ўзросту не вызначаюць часовую паслядоўнасць змены сутак, не могуць вызначыць і назваць паслядоўнасць частак сутак, змены сутак, пары года.

          Установа дашкольнай адукацыі ў неабходнай колькасці забяспечана мяккім інвентаром. Матэрыяльная база ўстановы дашкольнай адукацыі папаўнялася з наступных крыніц фінансавання: дзейнасці папячыцельскага савета,  выканання платных паслуг, збору і здачы макулатуры.

      Да раённага агляду-конкурсу “Лепшая гульнявая пляцоўка” набыты 2 шт. арэляў, кантэйнеры для захоўвання цацак і тэатраў, спецыяльны транспарт на пляцоўку па правілах дарожнага руху.

       Сродкі, атрыманыя ад аказання дадатковых платных паслуг і здачы макулатуры, складаюць 587 рублі. Усяго за 2021/2022 навучальны год матэрыяльная база папоўнілася на суму 1.380 рублёў. У наступным навучальным годзе неабходна набыць сучаснае комплекс на пляцоўку.

     Аналіз вынікаў работы ўстановы дашкольнай адукацыі сведчыць аб неабходнасці прадоўжыць работу па элементарных матэматычных уяўленнях.

     Зыходзячы з праблемы вызначана задача на 2022/2023 навучальны год: фарміраванне ў выхаванцаў элементарных  матэматычных уяўленняў праз гульнявую дзейнасць.

 

 

Загадчык                                                                           А.А.Пальчык

свернуть