Ваша дзіця ідзе ў першы клас і многія з Вас хвалююцца. Вы думаеце пра тое, як складзецца ў яго ў далейшым школьнае жыццё. І нават калі дзіця нядрэнна гатова да школы (чытае, лічыць, піша друкаванымі літарамі), вас не пакідае нейкі неспакой. Яшчэ большае хваляванне адчувае дзіця. Дзеці 5-7 гадоў рэагуюць на новыя абставіны ўсёй сваёй істотай: парушаецца ўстойлівасць да стрэсаў, расце напружанасць. Таму так важна зразумець гэты стан дзяцей і дапамагчы ім хутчэй прывыкнуць да новага жыцця.

    Што неабходна разглядаць пад  «школьнай гатоўнасцю»? Гэта перш за ўсё матывацыйная, валявая, інтэлектуальная гатоўнасць, а таксама дастатковы ўзровень развіцця зрокава-маторнай каардынацыі.         

      Матывацыйная гатоўнасць - гэта наяўнасць у дзяцей жадання вучыцца. Большасць бацькоў амаль адразу адкажуць, што іх дзеці хочуць у школу і, такім чынам, матывацыйная гатоўнасць ў іх ёсць. Аднак гэта не зусім так. Перш за ўсё, жаданне пайсці ў школу і жаданне вучыцца істотна адрозніваюцца адзін ад аднаго. Важна расказаць дзецям пра тое, што менавіта значыць быць школьнікам, чаму ён становіцца больш дарослым, паступіўшы ў школу, і якія абавязкі ён будзе там выконваць. На даступных прыкладах можна паказаць важнасць урокаў, ацэнак, школьнага распарадку. Раскажыце, што значыць быць школьнікам, якія абавязкі з'явяцца ў школе. Выхоўвайце цікавасць да зместу заняткаў, да атрымання новых ведаў. Выключаем аўтарытарнасць, дыктатарства, пагрозы тыпу: «Вось пойдзеш у школу - там табе пакажуць!».          

     Інтэлектуальная гатоўнасць - многія бацькі лічаць, што менавіта яна з'яўляецца галоўным накірункам псіхалагічнай гатоўнасці да школы, а аснова яе - гэта навучанне дзяцей навыкам пісьма, чытання і лічэння. Гэта перакананне і з'яўляецца прычынай памылак бацькоў пры падрыхтоўцы дзяцей да школы, а таксама прычынай іх расчараванняў. На самай справе інтэлектуальная гатоўнасць не прадугледжвае наяўнасці ў дзіцяці нейкіх пэўных сфарміраваных ведаў і ўменняў (напрыклад, чытання), галоўнае - гэта наяўнасць у дзіцяці больш высокага псіхалагічнага развіцця (увагі, памяці, мыслення), што дае дзіцяці магчымасць чытаць, лічыць, рашаць задачы «самастойна».

       Валявая гатоўнасць - неабходная для нармальнай адаптацыі дзяцей да школьных умоў. Размова ідзе не столькі пра ўменне слухацца, колькі пра ўменне слухаць, унікаць у змест таго, пра што гаворыць дарослы. Вы можаце развіваць такое ўменне, даючы дзецям розныя, спачатку нескладаныя заданні. Пры гэтым абавязкова прасіць дзяцей паўтарыць вашы словы, каб пераканацца ў тым, што яны ўсе пачулі і правільна зразумелі. Для трэніроўкі валявой гатоўнасці падходзяць графічныя дыктоўкі, у якіх дзеці малююць у пэўнай паслядоўнасці геаметрычныя фігуры пад вашу дыктоўку або па зададзеным вамі ўзоры.

Немалаважнае значэнне маюць навыкі самаабслугоўвання, узровень кардынацыі рухаў пальцаў, усёй рукі, а таксама ўзровень зрокава-маторнай кардынацыі.

                Паважаныя дарослыя!

       - Як мага больш размаўляйце  з дзіцем для таго, каб яно, па-першае, часцей чула правільную, выразную, мову  дарослага, якая з'яўляецца для яго ўзорам, а па-другое - каб развіваць актыўны слоўнік будучага першакласніка. Неабходна звяртаць увагу на атрыманне поўных адказаў на Вашыя пытанні, старацца даслухваць да канца. Разуменне з паўслова або нават з жэсту не вельмі карысна для развіцця мовы дзіцяці.

       - Звяртайце ўвагу дзіцяці на разнастайнасць навакольных яго прадметаў і з'яў, такім чынам, папаўняючы слоўнікавы запас дзіцяці. Можна гуляць у такую ​​гульню: дзіця задумвае некаторы прадмет і пачынае яго апісваць, пры гэтым, не называючы яго, вы павінны адгадаць, што гэта. У ідэале дзіця павінна апісаць прадмет па наступных параметрах: колер, форма, памер, матэрыял, да якога класа прадметаў адносіцца.

      - Складайце разам кароткія апавяданні па сюжэтных малюнках. Асноўная задача ў тым, каб дзіця навучылася правільна ўсталёўваць паслядоўнасць малюнкаў і складаць мінімум па два сказы да кожнага з іх. Для гэтай мэты падыходзяць любыя наборы сюжэтных малюнкаў.                 

  - Важнай перадумовай авалодання пісьменнасцю  з'яўляецца добра развіты фанематычны слых. Для таго, каб паспяхова працаваць над ім, неабходна слыхавая ўвага, якую можна развіваць, звяртаючы ўвагу дзіцяці на гукі вакол яго.

        -  Любыя гульні на развіццё дробнай маторыкі таксама вельмі карысныя.

         Памятайце, у падрыхтоўцы да навучання ў школе галоўнае – стварыць пазітыўныя эмоцыі да працэсу навучання.

Крыніца:

1. https://nsportal.ru/nachalnaya-shkola/materialy-dlya
2. roditelei/2020/06/19/rekomendatsii-roditelyam-budushchi

Выхавальнік дашкольнай адукацыі         Л.А.Майсейчык